(((...جزء من النص مفقود...)))

[هيام1]

انحايل علي روحي انقول نسيتك.... فوق الغلا زايد غلا تاريتك.
لولا غلا الكروت نفتح معاك الخط لين انموت ونقهروا ليبيانا.

مانجتازه,,,,, لين يرفعوني عالكتوف جنازة ... غلاك شايله في القلب مانجتازه.

بعيد عن عيني لاكن من احساسي قريب،،،قالوا تعرفيه قلت اغلى عزيز.

-- يابعدهم كلهم،،ياسراجي بينهم،،اعطيني من الدنيا قربك وخلي الباقي لهم.

-- ماهو بيدك،، تريدي عزيز وهو عزيز ايريدك غير القدر ياعين ماهو بيدك.

-- قديم ولا جديد ،،الكلام منكم في نار شوقي ايزيد،،قول وسمعني

دللت عيني ومالغيرك مالت ،،عطت عهد لعيونك وعليه مازالت،،دللتها لامتني
خبرتها هالعين ماسمعتني وياما عيون بشوفها نادتني،، بعدك حرام العشق عيني قالت.

-- تزها بيك اتروق امعاك اتحوس بلاك،،العين ياعزيز هذا حالها
_________________

اضـحــك عـلــي طـمـنـي غـيـر قــول بـكـره لافـــي
_واخـلـف مـعـاي وعـــودك ودور الــعــذر الـشــافــي
وغـيـر حطـنـي فــي بـالـك ديـــر كـــل مـايـحـلالـك
تــلــقـــى حــنــانـــي صــــافــــي
بـالـشـوق نـــا ننـتـظـرك ولــو كــان واهــي عــذرك
كـــــل عـــــذر مـــنـــك كـــافـــي
غــيـــر قـــــول بــكـــره لافــــــي
-------------
--------------

ديما غاليين_لكم كل يوم شايلنا حنين.يــاغــيــابـ ـلـــكـــم
قـدر ومعزه_ولكـم شــوق فـايـض شــن ايـحـزه
ولكـم ود راسـخ مايهزه_طـول البعـد وانتـم عـارفـي

-------------
--------------
جيتك بشوق اتصدني_كيف درتها وكيف طاوعـك تفكيـرك
حـنـيـتـلـك وتــردنـــي؟!مشكـور ماقصـرت كثـر خيـرك
ومــن شـوفـتـك تمنـعـنـي ونـحـكــي وماتـسـمـعـنـي
والله مــاتــوجــعــنـــي لـوكـان جــت مــن غـيـرك
مــشــكـــور كـــثــــر خــــيــــرك
-------------
--------------
يصـعـب عـلـيـا انقـولـهـن كلمـات خايـف مـا ايـلاقـن رد
يصـعـب عـلـيـا انقـولـهـن لوقلتهـن خايـف البـاب اتـصـد
خليتهـن فـي وسـط قلبـي خيـرومانريـد بيهـن يعرفـوك الغيـر
وفـالـحــب نــــا راضــــي بـنــظــرة ود

-------------
--------------

لا تـقـولــي لا انـقــولــك مانك حبيبي اللـي زمـان عرفتـه
ولا تـقـولــي لا انـقـولــك حيرتنـي مانـك الـلـي والفـتـه
ويـــن بسـمـتـك ويـــن الـصـفـا والـطـيـب
ويـــن لهـفـتـك ويـــن ماعـلـيـك انـغـيـب
ويـنــه حـنـانـك غـــاب نــــا مـاشـفـتـه

-------------
--------------
--
قدام العرب جيتـك حبيبـي عـذرالا ايجاملـن لشـواق لا ينتـظـرن
مــا يفـيـد لـــو دسـيـنـا بـايــن الـشــوق علـيـنـا
كــل يــوم يـكـبـر فـيـنـاوالـعــمــر يـسـرقــنــا
ايــــــامــــــه يــــــجـــــــرن



بعاد عزاز وديمة عليكم خاطري هدراز ... لو كان تندروا .
-----------------------
القلب عندك والعيون مشولك ومازال سلك الروح نبعتهولك .
-----------------------
نهيت خاطري ماباش ينسى ريده وكل يوم جايبلي أحلام جديدة
نهيت خاطري حلف قال ماننسى سريب الغالي
هو رفقتي وهو علي غالي غالي غالي
-----------------------
غلاكم ما عنده ميزان يفيض حنان يخلي اللي فارغ مليان
-----------------------
ليش ادسي في غياب العزيز تحسي ... نا عارفك ياعين
-----------------------
يابعيد الطاري حتى وإنت زولك ع النظر متواري .. مازلت تخطر
-----------------------
وين ما الليل يجيها تسيل فاقدة غالي عزيز عليها ... العين باكية
-----------------------
وين ماتغيبوا مدة حال غايتي ناخد نفس مانرده لين ترجعوا
-----------------------
وإنت مانك فيها ... تغيب الطعمة ياالعزيز عليها ... لوريت دنيتي
-----------------------
أوقات يزهى خاطري ويروق وأوقات في غيم ورعد وبروق
وأوقات نزهى ساعة وأوقات حزني يجتمع بأنواعه
وأوقات فيها تخونني الشجاعة وسيل دمعتي ع الخد دار شقوق
-----------------------
الجرح من الاحباب واعر طبه ولكن جروح الكارهين شفاه
والجرح من واحد عزيز تحبه يطول وماينفع معاه دوا
والعبد مايقدر يعاند ربه هاللي خلق كل العبيد سوا
واللي تشكره يصعب عليك تسبه واللي يكرهك يمنع عليك دواه
-----------------------
خارج نطاق التغطية ياسادة عزيز باعني مارن في ميعاده
ليش رخاني وخارج نطاق التغطية خلاني
نقول نتركه يعاود حنيني ثاني نلقاه منشغل ويفوتني كالعادة
-----------------------
لوكان مانك غالي لاندورك ولانحسبك في بالي ولو كان مانك زين
ولوكان مانك من عرب زينين ولو كان مانك خير من الأخرين
ماكانت عيوني بالدموع تعاني وماني على شانك اليوم حزين وضايق
ملاجي نين هذا حالي ....
-----------------------
سلامك وصلنا يانظيف النية قبلناه منك يابعيد الدار
سلامي عليك وجملتك جميلة على قد مافي الأرض من نوار
وعلى قد ماهبن أرياح عشية وعلى قد مارفرف الطير وطار
-----------------------

عم ياجميل الوصف والتوصيف ليك دايرين أسحار وتقاطعني
وإلا سحابة عابرة في صيف وعين من معيان فيك فجعني


مافي مرض غير فقد الرفاقة اللي في الملاقة كيف العسل في الريق ساعة مذاقه .

-----------------------
ياقلب نكوييك بالنار وكان تبرا نزيدك ياقلب درتلي العار حبيت اللي مايريدك.

مانجبرك عالحب والحنية راهي المحبة بالوفا والنية مانجبرك عالحب يا محبوبي ولا نقوللك لازم تروما صوبي إن درت الغلا هاذاك هو مطلوبي وإن هنت ماني عليك رمية لا نحرجك ولا نشيل منك سية

يا عزيز خذيته, دليل خاطري شورك وما رديته,الله ايسامحك

مانك رخيص علينا أمغير الظروف امعاندة ولهينا

ايسلم عليك العقل والسلام أمانة يقولك غلاك زاد ما نقص ميزانه

يا مشكاهن الانظار ما غلا غيرك جديد ملاهن انت عزيز العين

مجبور ديمة رنتك نسمعها خلك علي حنون ما تمنعها

أمسي علي من قلبي حبهم أمسي علي من ترتاح روحي لوصلهم مساك حلو يا أغلاهم كلهم

كل البشر حلوين بس أنت لك ميزة واللي مثلك يدخل القلب وما يحتاج فيزة

فقدناكم ولو نقدر بوسط الحلم جيناكم وحشتونا وما ندري لو كنا وحشناكم....

وراكم هابل..كيف من قطف وردة من حدائق بابل ..العقل دوم ينشد..


.
.

منقول من شخص عزيز بمنتدى ليبي
.
.