إزاي تحضري لعزومة رمضان؟!

[شمس الربيع]

بسم الله الرحمن الرحيم

السلام عليكم ورحمه الله وبركاته

http://www.boswtol.com/mastaba/images/263/kamar_01.jpg


عندك عزومة!!

وحاسة إنك متلخبطة!!

ومش عارفة تعملي إيه؟!

نفسك في أي حد يساعدك

ويقول لك تعملي إيه؟!

انا اقولك تعملى ايه

يلا نحضّر للعزومة مع بعض


1-حددي عدد المعزومين

أول خطوة المفروض إنك تعمليها هي إنك تحددي عدد المدعوين أد إيه

بالضبط؟!

وعلى الأساس ده هتبدأي تحددي كمية الأكل اللي هتعمليه، وخدي بالك إن

لو كان عدد المعزومين قليل؛ يعني مثلاً 3 أفراد هيبقى عدد الأصناف قليل

ومحدود...؛ لكن لو عدد المعزومين كبير هيبقى فيه تنوع في الأصناف

المقدمة، وده علشان ترضي جميع الأذواق...

2- حددي أصناف الأكل

الخطوة اللي بعد كده هي إنك تحددي أصناف الأكل اللي المفروض تكون

موجودة على السفرة..

وده جدول بيحتوي علي قائمة بالأنواع اللي المفروض أنها تكون على السفرة

في أي عزومة...

أولاً: السلطات

http://www.boswtol.com/mastaba/images/263/kamar_02.jpg
شوفي يا ستي المفروض يكون عندك على السفرة في أي عزومة نوعين من

السلطات، وليكن مثلاً طبق سلطة طحينة وطبق سلطة خضراء.

ثانياً: الشوربة

http://www.boswtol.com/mastaba/images/263/kamar_03.jpg

كفاية أوي في عزومة رمضان وجود نوع واحد من الشوربة؛ خاصة لو كان

عدد المعزومين مش كبير؛ لكن لو عدد المعزومين كبير يبقى اعملي نوعين أو

ثلاثة...

ثالثاً: اللحوم

http://www.boswtol.com/mastaba/images/263/kamar_04.jpg

طبق اللحوم ده بيعتبر من الأطباق الرئيسية على السفرة علشان كده لازم

يكون على السفرة في أي عزومة نوعين من أنواع اللحوم، وليكن مثلاً طبق

بوفتيك لحمة وطبق فراخ مشوية.
رابعاً :النشويات

http://www.boswtol.com/mastaba/images/263/kamar_05.jpg


النشويات زي: الأرز أو المكرونة أو المحشي، لازم تكون موجودة على

السفرة، بس يا ريت تكتفي في عزومة رمضان بوجود نوع واحد من

النشويات.. يعني إما مكرونة أو رز، أو أكتر من صنف من أصناف

المحشي.

خامساً: الخضار

http://www.boswtol.com/mastaba/images/263/kamar_06.jpg


يا ريت إنك تعملي نوعين من أنواع الخضار في عزومة رمضان علشان

ترضي جميع الأذواق.
سادساً: الحلويات

http://www.boswtol.com/mastaba/images/263/kamar_07.jpg

أكيد لو عندك عزومة هتقضي وقت كبير جداً في عمل الأكل، علشان كده

اختاري الحلويات السهلة في التحضير أو اختاري الأصناف اللي ممكن إنك

تعمليها قبل العزومة بيوم... زي البسبوسة أو أي نوع من الحلويات اللي

بتتقدم باردة زي الآيس كريم أو المهلبية أو الأرز باللبن.


3-جهزي للعزومة قبل يوم العزومة

http://www.boswtol.com/mastaba/images/263/kamar_08.jpg


يا ريت إنك قبل العزومة بيوم تجهزي أدوات المطبخ زي "الصواني والأطباق

والكوبايات والكاسات"، وتتأكدي من نظافتها؛ بحيث إنها تكون جاهزة على

الاستعمال...

كمان ابدأي في تحضير الأكل قبل العزومة بيوم... طبعاً هتسألي نفسك

دلوقتي، وتقولي: إزاي أحضر الأكل قبلها بيوم، كده الأكل يبوظ؛ خصوصاً

إن الجو حر أوي اليومين دول؟!

هاقول لك: إن فيه حاجات ممكن إنك تجهزيها قبل العزومة بيوم وتحطيها في

التلاجة...

وده جدول بالحاجات اللي ممكن إنك تحضّريها قبل العزومة بيوم..

العصائر

http://www.boswtol.com/mastaba/images/263/kamar_09.jpg

ممكن إنك تعمليها وتحطيها في كوباية كبيرة وتحطيها في التلاجة أو تحطيها في

أكياس وتحطيها في الفريزر وتطلعيها يوم العزومة قبل المغرب بخمس

ساعات.


إعداد بعض الوجبات

http://www.boswtol.com/mastaba/images/263/kamar_10.jpg

في بعض الوجبات ممكن إنك تجهزيها وتحطيها في التلاجة زي المحشي على

سبيل المثال؛ ممكن إنك تجهزيه وتلفيه وتحطيه في التلاجة؛ بحيث يكون

جاهزاً على التسوية يوم العزومة.


تتبيل اللحمة أو الفراخ

http://www.boswtol.com/mastaba/images/263/kamar_11.jpg

لو هتقدمي في العزومة لحمة أو فراخ مشوية ممكن أنك تتبليهم ببصل قبل

العزومة بيوم وتحطيهم في وعاء بلاستيك وتسيبيهم في التلاجة؛ بحيث

يكونوا جاهزين على الشواء يوم العزومة.

تعصّجي اللحمة

http://www.boswtol.com/mastaba/images/263/kamar_12.jpg


لو هتعملي مكرونة بالبشاميل أو جلاش باللحمة المفرومة يبقى يا ريت إنك

تعصّجي اللحمة قبلها بيوم.



إعداد الحلويات

http://www.boswtol.com/mastaba/images/263/kamar_13.jpg


الحلويات كمان ممكن تعمليها قبل العزومة بيوم وتحطيها في التلاجة، ومن

الحلويات اللي ممكن إنك تعمليها الآيس كريم والبسبوسة والبقلاوة..

وخدي بالك إنك تغطي صينية البسبوسة أو البقلاوة كويس.


4-إعداد باقي الأصناف يوم العزومة

http://www.boswtol.com/mastaba/images/263/kamar_14.jpg


أعتقد إنك لو عملتي بالكلام اللي قلنا عليه ده هتلاقي نفسك يوم العزومة

عندك وقت كافي إنك تجهزي باقي الأصناف، بس خدي بالك إن يوم العزومة

تصحي بدري وتخرّجي الحاجات اللي إنتِ جهزتيها من التلاجة وتسويها، وفي

الوقت اللي الحاجة فيه بتستوي ممكن إنك تعملي السلطة، وخدي بالك إنك

تحطي الأكل اللي هيستوي بدري في أواني حرارية علشان يفضل محتفظاً

بسخونته لغاية ميعاد الفطار.


وبكده فعلاً هتخلّصي كل حاجة قبل أذان المغرب بوقت كافي


وهتقدري تستقبلي ضيوفك وأنت جاهزة بكل حاجة

[نوجي]

شمس الربيع

نصائح فعلا رائعة .. تفيدنا ..

فى كيفية التصرف عند تحضير العزومات

تسلمى لنا يا غالية

لك منى ارق المنى

*****

[شمس الربيع]

شكرا نوجى على تواجدك الرائع

سلمتى

[احمد احمد]

دى عزومة هايلة
دى عزومة سهلة

مع الطريقة المناسبة
و الاختيار السليم
و الخطوات المحددة

سيكون كل شيء على ما يرام
وحسب المطلوب

يسلمووو
شمس الربيع

دائما العزائم عامرة بوجودكم
سلمتي

[توأم النسيان]

شمس الربيع

يسلمو على الطرح المفيد

تحياتي
توأم النسيان

[شمس الربيع]

اشكركم على تواجدكم الرائع

سلمتم